Tâm rnôk hăn khâl Việt Nam bah Tổng Bí thư, Kruanh dak Tập Cận Bình, wa Trương Thị Mai, Kruanh ban Tổ chức Trung ương hŏ tâm nchră đah wa Thái Kỳ, Chánh Văn phòng Trung ương Đảng Cộng sản Trung Quốc. Bar ding mpơl nău rhơn mpeh lôch jêh dŭt uĕh lăng bah rơh tâm nchră gưl têh bar Tổng Bí thư Nguyễn Phú Trọng n’hanh Tổng Bí thư, Kruanh dak Trung Quốc Tập Cận Bình.

Wa Trương Thị Mai n’hanh wa Thái Kỳ du tơ̆ tay đŏng lah rjăp ăp nău hun hao khlay, ngăn ngăn n’hanh lam lĕ rngôch bah tâm boh bar Đảng, bar dak ta lĕ rngôch ăp ntil trong kan, hăn lăp jru tâm ôp mpeh nô nău n’hanh tâm boh bar Đảng, bar dak; rgum tâm ôp mpeh ăp trong rƀŏng n’hanh trong nkra tơm gay đăm gĭt nău mĭn nsum gưl têh đah tâm boh bar Đảng, bar dak; bar ding tâm ban ŭch n’hao têh lơn đŏng  n’hanh geh nău tam bah ăp nău way tâm boh trong kan Đảng; ntrôl âk lơn đŏng tâm nđŭr, tâm boh ta ăp trong kan Chính phủ, Quốc hội, Mặt trận Tổ quốc; n’hao dăng tâm boh njrăng n’gang neh dak, rnă njrăng; n’hao nău  dơi tam tâm boh ngăn ngăn mpeh wăng sa, tăch rgâl, ntuh kơl, buăt nthoi bar jâng wăng sa nar lơn ma nâp dăng, jru hvi…..