Ôi lơ 13/2, Rnâng kan Ban Bí thư Võ Văn Thưởng hŏ ƀư tơm nar pah kan đah Hội đồng Lý luận Trung ương mpeh nau rƀŏng pah kan tâm rơh tât. Tĭng nau mbơh, bơi tât 2 năm bah năm kan 2021-2026, Hội đồng Lý luận Trung ương hŏ ƀư ueh ăp nau kan geh jao, ntoh ngăn lah: Râng ƀư nau ntrŭnh kan, năn ƀư rjăp ăp nau ntrŭnh, nau dă bah Đại hội 13 bah Đảng gay rgop nau ơm leo nau ntrŭnh, nau đă bah Đảng lăp jêng nau ngăn.

Ntoh nau tâm nar rđau đă tâm nar pah kan, Rnâng kan Ban Bí thư Võ Văn Thưởng đă, tâm rơh tât Hội đồng Lý Luận Trung ương ân geh rgum ƀư du đê̆ nau kan tơm, tâm nê n’hao nau nâp lơn tay nau mbơh bah Hội đồng ndrel ân geh rgum ƀư ueh nuih n’hâm bah ăp nŭih kan khoa học, nau kan mĭn rvê bah lam dak, đă Văn phòng Trung ương Đảng ndrel ăp ntŭk an, n’gâng kan tâm rgop, gay Hội đồng lý luận Trung ương ƀư jêh ueh nau kan, nau dơi geh jao./.