Kruanh n’gâng kan Tơm prăk Hồ Đức Phớc, groi kruanh rnâng kan ntĭm leo 389 ngih dak leo rơh rƀŭn nchră. Ta rơh rƀŭn nchră, mbơh tơih bâh rnâng kan ntĭm leo 389 ngih dak, Chánh văn phòng rnâng kan way kan rnâng kan ntĭm leo 389 ngih dak Lê Thanh Hải lah na nê̆, năm 2022, mpôl kan têh lam dak lĕ geh saơ, nhup kân, rmal bơi tât 140 rbăn nău ƀư tih, hao 1,17% đah khay aơ năm 2021.

Gay ma ƀư tĭng an geh săk rnglăy nău kan njrăng tăch ntung, tăch rlăm ndơ n’hanh ndơ ndra ƀư năm 2023. Rnâng kan ntĭm leo 389 ngih dak đă rnâng kan ntĭm leo 389 ăp n’gâng kan, ntŭk kan, n’gor, nkuăl ƀon têh bâh trung ương mât uănh leo kan, gĭt na nê̆, nchroh năl di đah nău ngăn, uănh năl ntŭk kan, ta ntŭk, nuĭh kan geh săch kan tơm, ăp ntil ndơ, nău pah kan ntoh luh, uănh năl trong leo kan, nău leo pah kan, ngluh mbơh ăp trong kan an tâm di gay ma njrăng rdâng, njrăng an geh săk rnglăy ăp nău kan tăch rlăm, tăch ntung ndơ n’hanh ƀư ndơ rlăm bâh trong kan ta ntŭk geh mât uănh, mât leo kan.