Ôi nđaơ (8/8), ta nkual ƀon têh Buôn Ma Thuột, n’gor Dak Lak, N’gâng kan Công an ƀư “Rƀŭn nchră rnê rhơn, pơk hvi ăp ntrong kan ntoh lư tâm ntrong leo lam ƀon lan mât rnă njrăng neh dak nkual rnoi mpôl đêt nkual Tây Nguyên lvang 2018-2024”. Lvang 2018-2024, ta Tây Nguyên lĕ geh âk ntrong kan lam ƀon lan mât rnă njrăng neh dak, lah nău ang tĭng trong mât uănh êng, njrăng n’gang êng, mât njrăng êng, geh nău kon nuĭh tâm rgop âk, dơi nsum mpôl nuĭh rnoi mpôl đêt kơl, dŭt n’hâm râng.

Dŭt âk nuĭh râng, kơl ăp rmôt tâm nău đăp mpăn rnă njrăng, nkoch trêng rgŏ jă ƀon lan njrăng ta năp rlăng, nău ƀư tâm nkhah tâm rnglăp rnoi nuĭh, njrăng n’gang nuĭh tih, rmoh rmanh kon nuĭh, njrăng n’gang puh nsĕt ŭnh, mât njrăng trong n’har bri, n’gâng ntăm n’har bri, mât njrăng ntŭk ntô gŭ âm. Ta rƀŭn nchră, N’gâng kan Công an lĕ an bằng khen an 86 rmôt, êng nuĭh ntoh lư ntoh măt an ăp ntrong leo, ntoh lư gĭt blău tâm ntrong leo lam ƀon lan mât rnă njrăng neh dak nkual rnoi mpôl đêt nkual Tây Nguyên lvang 2018-2024.