TN6: VOV4.M’nông – 43 kon hŏk, sinh viên ach o nti blău “Tâm bôk nău kan ndơ̆ oh tât ngih sam ƀŭt n’hanh kon mât pôih tahen n’har bri” ta Dak Lak dơi rnê rhơn ta ôi 12/8, ta xă n’har bri Krông Na, nkuăl Buôn Đôn (Dak Lak). Ndrel đah nău rnê rhơn, ăp oh dơi sŏk ndơ an kơt: Prăk măt, ndeh wah jâng, ndrôm sam ƀŭt, kho ao mhe n’hanh ndơ dŏng nti.

Kruanh Tahen n’har bri Dak Lak n’hanh ăp nuĭh lŏng bôk tôr an ndeh an ăp oh kon hŏk ach o ta n’har bri.

N’gor Dak Lak geh 4 xă n’har bri lah Ea Bung, Ya Lốp, Ia R’vê ta nkuăl Ea Súp n’hanh Krông Na bah nkuăl Buôn Đôn, lah ăp xă geh rnăk ach o âk. Tâm pă nău jêr jŏt bah kônh wa nkual n’har bri, rmôt Tahen n’har bri Dak Lak uănh mĭn trong kan đăp mpăn nău rêh, đah âk ntrong kan ngăn. “Bôk nău kan ndơ̆ oh tât ngih sam ƀŭt n’hanh Kon mât pôih tahen n’har bri” ta Dak Lak lĕ nta an rhiăng kon hŏk ach o dơi tât ngih sam ƀŭt, na nao hao âk.

Nŭih blang: Y Sưng Phê Ja