Ôi 8/9 ta Nhih pah kan Chính phủ, Groi Thủ tướng Trần Lưu Quang ƀư tơm rơh hop lor bôk năp Rmôt pah kan rgâl dơh glêh siƀŭt bah Thủ tướng Chính phủ.

Tĭng nău n’glêh an njêng Rmôt pah kan rgâl dơh glêh siƀŭt bah Thủ tướng Chính phủ mhe n’gluh an dŏng, Rmôt pah kan lĕ rngôch 15 nuĭh, Groi Thủ tướng Chính phủ Trần Lưu Quang ƀư kruanh rmôt. Rmôt pah kan hŏ ntrŏng năl nău dơn kan rgum tơm rgâl dơh glêh siƀŭt ân rđău đă ntrŭt ntrôl ăp khay kêng dŭt năm tĭng nău dơn kan bah tĭng bộ, nhih pah kan tâm ban bộ.

Tĭng nê, tĭng ƀư rgâl dơh glêh siƀŭt quy định tăch rgâl, ƀư siƀŭt an nuĭh ƀon lan hŏ dơi ŭanh an dŏng lĕ rngôch 120 ntil siƀŭt, rmôt ntil siƀŭt, ƀư siƀŭt an ƀon lan bah 16 bộ, nhih pah kan. Ta rlău 400 nău n’glêh an tăch rgâl, rmôt n’glêh an tăch rgâl bah 9 bộ, nhih pah kan. Ôp ŭanh tay ăp tŏng, mbơh an Thủ tướng Chính phủ trong rgum lam koh n’hŭch, rgâl dơh glêh siƀŭt 13 rmôt quy định, siƀŭt kan tơm khlay n’glĕ mpeh nău dơi mât bah 9  bộ, tâm nê geh 2 rmôt nsum bah ăp bộ, nhih pah kan geh tât./.