Nar 06/9/2023 ta Thủ đô Hà Nội, Tổng Bí thư Nguyễn Phú Trọng, Kruanh  Đảng Ƀon lan Campuchia (CPP) Samdech Techo Hun Sen n’hanh Tổng Bí thư Đảng Ƀon lan Cách mạng Lào, Kruanh dak Lào Thongloun Sisoulith hŏ geh rơh mâp gưl têh Việt Nam - Campuchia - Lào. Aơ lah nar kan geh nkô̆ khlay gay rdâk tay, n’hao dăng lơn đŏng tâm boh đah pe Đảng n’hanh ƀon lan pe dak Việt Nam - Campuchia - Lào tâm rnôk nô nău  lam ntŭr neh, nkual tât duh jêr n’hanh lĕ pe Đảng, pe dak lăp tâm rơh hun hao mhe.

Ta rơh mâp, ăp ding hŏ tâm mbơh nsum mpeh nô nău bah ăp đảng, ăp dak,  lơn lah pah kan rdâk njêng đảng n’hanh hun hao wăng sa- rêh jêng kon nuĭh; tâm ôp mpeh nô nău lam ntŭr neh , nkual ntoh luh mhe aơ n’hanh ăp nkô̆ pe ding ndrel uănh khlay; uănh năl nău dơi geh tam tâm boh đah pe Đảng, pe dak tâm bah ri aơ. Kruanh rđău kan pe Đảng tâm ban ŭch ăp trong rƀŏng têh an tâm boh đah pe Đảng, pe dak ta ăp trong kan yor ma nău geh nsum bah ƀon lan pe dak tâm let năp tay. Pe ding tâm ban ŭch ntik uĕh tay nău dơi tam ăp trong kan dôl geh aƀaơ, gŭ mĭn njêng du đêt trong leo tâm boh mhe gay n’hao dăng tâm boh đah pe Đảng, pe dak yor ma nău geh bah ƀon lan bah pe dak, yor đăp mpăn, tâm boh n’hanh hun hao ta nkual n’hanh lam ntŭr neh./.