Nar ntri (13/12) rơh hop tâl 7, HĐND n’gor Dak Nông khoá IV, năm kan 2021-2026 hŏ ƀư rơh ôp n’hanh ơh nău ôp, âk nkô̆ nău duh ndal dơi  tâm nchră ta rơh ôp rkhêl dja. Siƀŭt kơp dơn nău dơi dŏng neh tâm rdăp, tâm trŭp nsum dôl lah nkô̆ nău geh âk ta n’gor Dak Nông. Yơn lah, nău nkra ntoch jong hŏ ƀư an nuĭh ƀon lan mâp âk jêr jŏt n’hanh ƀư jêng ăp nău tâm rkeh, nuih ăl. Tâm rnôk hăn groi nđôi, wa Lưu Văn Trung, Kruanh HĐND n’gor Dak Nông dơn geh âk nău rgop bah cử tri nkoch nău pă an siƀŭt nău dơi  dŏng neh tâm rdăp, tâm trŭp nsum đŏng.

Nău dja tă bah âk nkô̆, lĕ ma uănh lhơ n’hanh nău mô ndra lơh yơn nău dŭt nkoch lah trong nkra bah du đêt ntŭk mô hŏ tâm di, mô dơn nê hôm geh nău mô jăp kan đŏng. Ơh nău ôp rkhêl bah ăp đại biểu HĐND n’gor, wa Nguyễn Văn Hiệp, Giám đốc Sở Tài nguyên n’hanh Môi trường Dak Nông an lah, hŏ geh ntĭm nti gay nkra ăp nuĭh geh ƀư siƀŭt tâm rdăp, tâm trŭp nsum. Tĭng nê, mpeh nău way, nhih pah kan dơi  kan kâp sŏk mplơ̆ n’hanh rgâl ƀư tay mhe an tâm di đah ngăn ngăn dơm./.