Rơh rƀŭn nchră geh ƀư lôch rnôk Chính phủ ntrŭnh bôk nău pah kan lvang năm 2022-2026 ƀư tĭng Chỉ thị mbrô 15 bâh Ban Bí thư mpeh nău kan nchră nău đah dak bah dih nău wăng sa kơl an hun hao neh dak tât năm 2030.

Ntoh ngơi ta rơh rƀŭn nchră, Thủ tướng Chính phủ lah na nê̆ n’hao nău nchră nău đah dak bah dih nău wăng sa lah nău ntrŭnh têh bâh Đảng n’hanh ngih dak he tâm lvang ntrôl dăng công nghiệp mhe, nău rêh mhe neh dak. Bôk nău pah kan bâh Chính phủ uănh năl trong kan “Nău mĭn nău kan, pah kan răng dăng, tâm rdâng tâm di, săk rnglăy, sŏk dŏng n’hanh njrăng der ăp nău tât, ndăn nău ueh nkhêp an hun hao neh dak” n’hanh ngluh mbơh 7 rmôt nău kan tơm khlăy mpeh nchră nău đah dak bah dih mpeh wăng sa bâh aƀaơ tât năm 2026. Thủ tướng ntĭm đă rơh rƀŭn nchră rgum uănh năl jru nău mbơh kan, dŏng nău nkhêp gay ma pơk hvi tăch ndo an dak bah dih, ntuh kơl, pâl nđaih, khoa học- công nghệ, sŏk dŏng ăp nău nsrôih hun hao mhe. Bâh nĕ, mbơh dăn đă ăp trong kan mbơh tơih an săk rnglăy bôk nău pah kan bâh Chính phủ, đah nău mĭn ƀư nău tât jêng nău kan; uănh năl ăp nău an geh doh rklaih dâl, ơm mbơh ƀư, ăp trong mpŏng kan, nău kan tâm nău rgum n’hanh jŏ jong.

Toàn cảnh hội nghị