Ta rơh rƀŭn nchră, ăp đại biểu lĕ tâm nchră lĕ rngôch mpeh nău tăch rgâl Việt Nam-Trung Quốc, nău kan khlăy bâh Quảng Tây tâm nău tăch rgâl bar ding n’hanh nău mpŏng n’hao nău tâm kơl đah Quảng Tây n’hanh Trung Quốc, ăp nău ntrŭnh nsum mpeh mât njrăng  nău bu tuh ta tơm tăm n’hanh mât đăp mpăn ndơ sông sa đah drăp ndơ geh tu tơm tăch ngluh an Trung Quốc, tăch ndơ bum mbo, ndơ sông sa ta Trung Quốc, doh rklaih ăp ntil nău  kŏ văk tĭng Nghị định 248, 249.

Bâh ăp nău jêr nĕ, nău kŏ khan hôm e geh tâm nău ngăn, n’gor Lạng Sơn đă chính phủ mât uănh ntĭm đă ntuh kơl tâm ban lĕ rngôch nkual n’har bri, uănh khlăy an săch lor du đê̆ nkual mpông n’har bri geh nău dơi, geh nău hun hao ngăch gay ma njêng nău kan n’hanh tâm rgop tâm nkual pah kan tăch rgâl n’har bri.