Rơh rƀŭn nchră  lĕ rgum tâm mbơh nău, dơn ngoăy ăp nkô̆ nău uănh năl nău geh mbơh tơih ƀư tĭng tâm năm ba năp, ngăn lah ăp nău ma bar ding lĕ doh rklaih lôch, ăp nău kan hôm nha kŏ khan, mpŏng rmal tâm ban kơt ăp nău kan, nău mpŏng kan mhe tâm năm 2024.

Nglôch lôch ta rơh rƀŭn nchră, bar Thủ tướng lah na nê̆ mbra nsrôih răng dăng rgum ntĭm đă ăp n’gâng  kan, ntŭk kan tâm rgop na nê̆ an geh săk rnglăy ăp nău tâm ton kan, an geh nta tay nău dơh nơih ueh an doanh nghiệp 2 dak tâm kơl ntuh kơl, pah kan tăch rgâl. Bar ding knơm an lah nău dơi bâh rơh rƀŭn nchră mbra nta nău nsrôih mhe kơl an tâm boh tâm kơl đah 2 dak ăp nar lơ ma hun hao, hăn jru tâm nău ngăn, na nê̆, knơm, geh săk rnglăy, ntop mô rlu gay ma ndâk nsơm nău tâm boh kan tâm rnglăp kan têh kuăng, tâm rnglăp khlăy n’hanh tâm kơl lĕ rngôch Việt Nam- Lào tâm let năp tay.