Kêng măng 21/2, Thủ tướng Chính phủ Phạm Minh Chính, Kruanh N’gâng kan rđau kan Ngih dak ƀư ăp nau kan, ntŭk kan khlay bah neh dak, nau tơm bah N’gâng kan Gung trong nchuăn rdeng ƀư tơm rơh rƀŭn bah Rnâng kan rđau kan. Ntoh nau tâm nar rƀŭn, Thủ tướng Phạm Minh Chính kơp ndơn dơn nau kan geh ăp nau dơi khlay tâm rơh rƀŭn rƀŭn tal 3 bah Rnâng kan rđau kan, Thủ tướng rnê prêh ăp nkuăl uănh nsum hŏ geh âk nau nsôih tâm nau ntrŭnh ƀư nau kan.

Ngăn lah, Hà Nội, Nkuăl ƀon têh Hồ Chí Minh ndrel ăp rmôt ƀư nau nsôih nau kan ntrŭnh ƀư bah 2 bôk nau kan trong teng 3 bah Nkuăl ƀon têh Hồ Chí Minh ndrel trong teng 4 nkuăl Thủ đô, ngăn lah hŏ ƀư nsôih ngăn, ƀư tâm ban tâm ăp nau kan ntrơn leo, ndăn nau kơl an âk ueh bah ƀon lan. Ăp n’gor Đồng Tháp, Hậu Giang, Cà Mau, Đồng Nai...kŏ ntrŭnh ƀư ueh nau kan aơ. Rnôk aơ, rnoh ƀư nau kan têh bah bôk nau kan bah neh dak, nau tơm khlay bah ntŭk kan gung trong nchuăn rdeng geh 21 nau kan têh, đah nklăp 70 bôk nau kan ƀư rgum nsum./.