VOV4.M’nông: Ôi lơ 16/8, N’gâng kan Công an tâm rgop nsum đah Học viện Chính trị Quốc gia Hồ Chí Minh, Uỷ ban Neh dak ndrel nau đăp mpăn bah Quốc hội ndrel Ngih xuất bản Chính trị Quốc gia Sự thật ƀư tâm nchră khoa học neh dak: “Ƀư tĭng n’hâm dăng lam rnoi mpôl mât nau đăp mpăn neh dak tâm rơh mhe”. Tâm nar tâm nchră ăp ntoh măt rgum ƀư kloh nau kan khlay ndrel ăp nau đă ƀư tĭng n’hâm dăng bah rnoi mpôl mât nau đăp mpăn neh dak tâm rnôk mhe; Mbơh kloh ƀư kloh nau hun hao nau mĭn lý luận bah Đảng, ngăn lah ăp nau gĭt mhe tâm nau ntrŭnh Đại hội XIII mpeh ƀư ueh n’hâm dăng lam rnoi mpôl gay mât neh dak.

Nkre ƀư kloh nau dôl geh ndrel ăp nau đă ăp nau kan, ntrong kan ƀư ueh n’hâm dăng lam rnoi mpôl mât đăp mpăn neh dak tâm rơh mhe du trong săk tam ndrel ngăn. Nau geh bah rơh tâm nchră lah rnôk gay đă đah rđau kan Đảng, Ngih dak geh nau ntrŭnh, ntrong kan ƀư ueh n’hâm dăng lam rnoi mpôl mât đăp mpăn neh dak, rgop nau mât neh dak “ntơm bah ơm”, “ntơm bah ngai”, kơl an ân nâp nau hun hao văng sa, văn hoá, rêh jêng ndrel tâm nchră đah dak ba dih bah neh dak./.

Nŭih rblang: H’Thi