Tâm nau ƀư lễ hội cà phê Buôn Ma Thuột tal 8, N’gâng kan tuch tăm ndrel Hun hao ƀon lan n’gor Dak Lak tâm rgop nsum đah Công ty cổ phần Phân bón Bình Điền ƀư rơh tâm rlong nŭih pah lŏ mir blau năm 2023. Rơh tâm rlong nŭih kan lŏ mir blau năm 2023 đah nau râng bah 6 rmôt tâm rlong ntoh măt ân 6 n’gor: Sơn La, Kon Tum, Gia Lai, Dak Lak, Dak Nông ndrel Lâm Đồng. Ăp nŭih rlong geh săch tă bah ăp rmôt nŭih pah kan lŏ mir tăm cà phê ntoh lư ngăn rgop lăp nau tâm rlong dăch dŭt.

Đah nkô̆ “Nau tăm cà phê blau mhe tŏng dơi nau rdâng đah ntrơn rgâl trôk nar”, ăp nŭih rlong rlet 4 nkô̆ nau tâm rlong: Nŭih blau nau kan mhe, nŭih pah kan blau tâm rgop, nŭih pah kan geh nau blau, nŭih pah kan geh nau blau. Bah ăp nau tâm rlong ăp kon se ntoh nau blau, nau gĭt, nau tă dơi ndrel nau tă geh gĭt mpeh nau tĭng kơt nau blau mhe tâm nau kan tuch tăm lăp tâm nau kan tăm cà phê tŏng dơi nau ŭch nâp bah nau rdâng đah ntrơn rgâl trôk nar ndrel ăp nau kan geh tât nau ê nkra, tăch rgâl, ntŭk tăch rgâl, tâm rgop ƀư nau kan tuch tăm, rƀŏng tât nau ndơn, njêng ndrel hun hao ntrong kan tâm rgop bah ăp ntŭk kan tăm cà phê Việt Nam./.