Ôi ntri (20/8), Báo Nhân Dân sa nkra Trang thông tin mha êng Tổng Bí thư Nguyễn Phú Trọng – Kruanh rđău kan geh nuih n’hâm uĕh lŏng, geh nău ring tam bah Đảng n’hanh Pla n’hơ rup mpeh Tổng Bí thư Nguyễn Phú Trọng.

 Lah ta rơh lễ, Rnâng kan Ban Bí thư Lương Cường lah rjăp: nău Báo nhân dân ƀư ntoh măt trang thông tin mha êng "Tổng Bí thư Nguyễn Phú Trọng- Kruanh rđău kan geh nuih n’hâm uĕh lŏng, geh nău ring tam bah Đảng" lah nău kan geh nkô̆ khlay ngăn ngăn, kơl cán bộ đảng viên ƀon lan n’hanh băl mpôl dak bah dih gĭt kloh lơn mpeh nău rêh, nău kan, ăp suan rhal têh kuâng bah Tổng Bí thư Nguyễn Phú Trọng, kruanh rđău kan ngăch prăl mha êng, du nuĭh têh, ntĭt leo lor nuih n’hâm cách mạng kloh rsang. Wa Lương Cường đă Ban Tuyên giáo Trung ương rêng lam nkô̆ trang thông tin mha êng mpeh "Tổng Bí thư Nguyễn Phú Trọng- Kruanh rđău kan geh nuih n’hâm uĕh lŏng, geh nău ring tam bah Đảng". Ntơm bah nê rdâk tay nău nsing nơm, nău n’hao êng săk bah cán bộ, đảng viên rƀŏng sĭt mpeh Đảng chrat ang, mpeh wa Hồ têh kuâng, mpeh rnoi nuĭh Việt Nam dăng janh, rdâk tay nău nđơr hun hao neh dak têh ndrŏng, rhơn răm.