Bah năp nau rêh jêr jŏ bah âk kon se nti tâm 13 xã n’har bri, Tahen biên phòng n’gor Kon Tum hŏ kơl an rlau 1,9 rmen kơl an ăp kon se bah oi nau jêr jŏ ntop tay nau rnơm ueh rnôk lăp năm nti mhe 2023-2024. Dĭng lĕ rnoh prăk hŏ geh ăp rmôt hăn kan bah N’gâng kan rđau kan ndrel rmôt kan tâm dâng pă tât ăp ty kon se. Tâm nê geh tât 1,8 rmen prăk ân 253 oh tâm bôk nau kan “Cán bộ, tahen n’hao nhoat jâng oh hăn nti”.

Ăp oh geh nau rêh jêr kŏt mpeh ngih gŭ 13 xã n’har bri tâm 4 kuăl bah n’gor Kon Tum, geh: Đăk Glei, Ngọc Hồi, Sa Thầy ndrel Ia H’Drai. Di rnôk năm nti mhe 2023-2024, ăp Đồn Biên phòng njok n’har bri kŏ pă nklâm ndơ, ndơ dŏng nti an 15 kon se lah “Kon rong Đồn Biên phòng” bph đă ăp oh geh tay nau rnơm rnôk lăp tâm năm nti mhe 2023-2024./.