Di rnôk nkah 77 năm Nar Tahen sôt rmanh-tahen khĭt (27/7), ăp ngih dak si, trạm quân dân y tâm Binh đoàn 15 hŏ ntrŭnh ƀư nau khám, pă dak si mô geh roh prăk ân nŭih geh n’hâm kơl an, rnăk vâl geh dơi kơl ndrel ăp rnăk ach o tâm nkuăl n’har bri ăp n’gor Kon Tum ndrel Gia Lai. Ngăn lah, ntơm lơ 24/7 tât lôch lơ 26/7, Ngih dak si Quân y 15 ƀư ăp rmôt nŭih nau dak si ntrŭnh hăn khám, pă dak si mô roh prăk tâm 3 xã Ia O, Ia Boong, Ia Mơr, nkuăl Chư Prông.

Aơ lah nau kan ăp năm bah Binh đoàn 15 ăp rnôk di nkah Nar tahen sôt rmanh, tahen khĭt (27/7), gay nkah ăp nau rgop bah rnăk vâl geh dơi kơl, nŭih geh n’hâm ma cách mạng; nkoch mbơh nau jêr đah nŭih ƀon lan tâm nkuăl n’har bri ba lơ Tây Nguyên. Nchrăp năm aơ, ăp rmôt kan mra ƀư nau khám săm ji mô sŏk prăk, ân nklăp 1.500 nŭih tă bah tơm prăk têm dŏng 200 rkeh./.