Măng 12/2, 76 quân nhân bah Tahen ƀon lan Việt Nam hŏ hao ndeh păr, hăn tât Thổ Nhĩ Kỳ râng kơl nuĭh, ntop kơl lôch geh nău tât khuch khat n'gơ neh krit nji. Mpôl hăn rdeng nkre rlău 42 tấn ndơ rnă way dŏng n'hanh ndơ ndrăp tŏng ăp an mpôl hăn kơl, mât rêh êng jŏ tâm 1 khay.

Ntơh măt Quân uỷ Trung ương, kruanh rđău kan Bộ Quốc phòng, Thượng tướng Nguyễn Tân Cương, Tổng Tham mưu trưởng tahen ƀon lan Việt Nam, Thứ trưởng Bộ Quốc phòng hŏ rnê nuih n'hâm dâk hăn kơl êng dŭt jêr jŏt, nsrôih tĭng ƀư nău kan bah lĕ rngôch ăp nhih pah kan geh tât, lơn lah 76 cán bộ, sĩ quan, quân nhân chuyên nghiệp tâm mpôl hăn kơl bah tahen. Tĭng Thiếu tướng Phạm Văn Tỵ nchrăp kêng măng nar 13/2, mpôl mbra hăn tât ntŭk geh hăch rlâm n'gơ neh ta Thổ Nhĩ Kỳ n'hanh ndăn an ƀư nău kan.