Ôi 12/1, ta Nhih pah kan kruanh dak, Kruanh dak Võ Văn Thưởng mbra ƀư tơm lễ wơt Tổng thống Indonesia Joko Widodo khâl gưl Ngih dak tât Việt Nam. Hăn khâl ƀư ntơm bah nar 11-13/1/2024. Lôch lễ têh khlay, Kruanh dak Võ Văn Thưởng n’hanh Tổng thống Indonesia Joko Widodo leo mpôl ntơh măt gưl têh bar dak ƀư tâm nchră. Bar kruanh rđău kan tâm ban ŭch, nsing ta ăp nău dơi tâm boh têh kuâng bơi 70 năm aơ, ân ơm n’hao tâm boh têh  jong đah bar dak hao prêh mhe.

Kruanh dak Võ Văn Thưởng lah rjăp Việt Nam way uănh khlay n’hanh ŭch rŏng n’hao dăng lơn tâm boh way ơm n’hanh tâm boh têh jong đah Indonesia; dăn an Indonesia ƀư geh nău dơi rơh sơch lăp kan lam lĕ rngôch bơi  tât, hun hao têh kuâng tay, rgop uĕh an đăp mpăn n’hanh tâm boh ta nkual n’hanh lam ntŭr neh. Bar kruanh rđău kan tâm ban ŭch  n’hao dăng lơn đŏng ăp trong  tâm boh bar ding; ơm rdâk  njêng bôk nău kan lvang năm 2024 – 2028 tâm di đah nô nău mhe. Bar kruanh rđău kan tâm ban ŭch đŏng, nsing ta ăp nău dơi  tâm boh têh kuâng bơi 70 năm aơ, ân ơm n’hao  tâm boh têh jong  đah bar dak hao prêh mhe.

Tổng thống Indonesia tâm ôi 12/1 hŏ tât an kao si, lăp Lăng weh chop Kruanh Hồ Chí Minh n’hanh ndah nkah gĭt ăp tahen ơm khĭt dăng janh.