Ndơn nau jă bah Kruanh Quốc hội Vương Đình Huệ, Kruanh Quốc hội Bulgari tât khâl Việt Nam ntơm lơ 5-9/1/2024. Aơ lah rơh khâl ngăn bôk năp bah Kruanh Quốc hội Bulgari tât Việt Nam jêh bơi tât 12 năm; lah nau khlay tâm nau tâm boh kan nsum Việt Nam-Bulgaria, ngăn lah rnôk Quốc hội bar dak mhe ký ton ndrel ntrŭnh nau nkah tâm boh. Nau tâm boh kan nsum đah Quốc hội bar dak mro geh ƀư nâp ndrel hun hao ueh.

Bar ding vay tâm nchră rmôt kan gưl prêh, mât nau tâm mâp, tâm rgop ndrel tâm kơl nsum tâm rnôk tâm nchră nghị viện tâm nkuăl ndrel lam ntur neh ma Quốc hội bar dak ndrel râng kơt Liên minh Nghị viện lam ntur neh (IPU), rơh rƀŭn tâm boh kan nsum Nghị viện Á-Âu (ASEP)...Rơh khâl bah Kruanh Quốc hội Bulgaria tât Việt Nam tâm ăp nar bôk năm mhe bah năm 2024 ntoh nau uănh khlay, ŭch rŏng ueh bah Ngih dak ndrel ƀon lan Bulgaria mro ân Việt Nam đah du dak băl bên vay ơm, tâm rnơm ndrel lah ngoai tâm âk dak kan khlay bah Bulgaria tâm nkuăl Đông Nam Á./.