Kêng măng 15/12 (tĭng mông dak nê) hŏ geh nau tâm nchră đah Thủ tướng Chính phủ Phạm Minh Chính ndrel Thống đốc ndrel ntŭk kan tăch rgâl ntoh lư bah n’gor Gunma, Nhật Bản. Tât khâl ndrel pah kan tâm n’gor Gunma, Thủ tướng Phạm Minh Chính mbơh păng ŭch ngăn đah ăp nau dơi hun hao văng sa rêh jêng bah n’gor, đah nau geh lah ngoai tâm ăp ntŭk tơm hun hao công nghiệp têh ngăn Nhật Bản. Thủ tướng rnê prêh n’gâng kan n’gor mro nsôih, nchrăp ntrŭt dăng tâm boh ma Việt Nam tâm âk nau kan. Tâm rơh tât, Thủ tướng ŭch ăp rmôt kan bah n’gor Gunma, Nhật Bản.

Đah nau dơi, nau dăng ndrel nau rnơm bah nơm, mra nsôih kơl an, hăn ndrel ma Chính phủ ndrel ăp ntŭk kan tăch rgâl bah Việt Nam pơk hvi nau kan tâm boh ntuh kơl tâm nau kan ma 2 ding geh nau dăng, nau dơi, nkre ntrŭnh ƀư nau tâm boh mhe. Nchră rnê Việt Nam lah du dak geh nau ueh ndrel hun hao, Kruanh n’gor Gunma lah rjăp mra ndâk du rmôt kan tât khâl Việt Nam, ntrŭt dăng tâm boh ntuh kơl, tăch rgâl đah bar dak, nau ŭch Chính phủ Việt Nam pơk trong ueh gay ntŭk kan bah n’gor Gunma ntuh kơl ân săk geh tâm Việt Nam ndrel geh âk lơn tay ntŭk kan tăch rgâl bah Việt Nam ntuh kơl tâm n’gor Gunma./.