Ta Jakarta, Indonesia, Đại sứ Vũ Hồ, Dơi manh ƀư kruanh SOM ASEAN Việt Nam leo mpôl Việt Nam râng Tâm nchră kruanh gưl têh ASEAN (SOM) n'hanh rơh hop tâl 15 Rmôt Pah kan Hội đồng tâm pă kan ASEAN (ACCWG) mpeh Timor-Leste dăn lăp ASEAN.

Ăp Tâm nchră rơh dja gay nchrăp an Tâm nchră gưl têh ASEAN tâl 42 n'hanh ăp tâm nchră Bộ trưởng Ngoại giao mbra ƀư tâm khay 5/2023 ta Indonesia. Ta Tâm nchră SOM, ăp kruanh gưl têh ASEAN hŏ nsrôih tâm rkhăch n'hanh bôk năp tâm ban ŭch trong rƀŏng an ƀư ăp nkô̆ an ƀư lor bah ASEAN tâm năm 2023, lĕ ma nău ntrŭt ntrôl hun hao n'hanh dâk jêng tay; n'hao nău dơi tam n'hanh nău way kan bah ASEAN; rdâng lơh đah ăp ntul rlong rnă njrăng mô hŏ tă geh. Tâm rơh hop tâl 15 Rmôt pah kan Hội đồng tâm pă kan ASEAN mpeh nău Timor Leste dăn lăp ASEAN, ăp dak tâm ban ŭch ntop kơl tay Timor Leste n'hao nău dơi kan, tĭng kơn tŏng đah ăp rnoh di dak lăp kan nsum bah ASEAN.