Ôi nar (23/12), Mpôl tơm ƀư Festival kao Đà Lạt tâl 9 năm 2022 hŏ ƀư Tâm nchră khoa học mât ŭeh rnoh khlay săk ntơ lư nkual ƀon têh Festival kao Đà Lạt n'hanh trong gŭ rêh mbơh ngơi nuĭh Đà Lạt "mbleh mblôn, n'gơch uĕh, dêh bên đah năch". Rlău 150 ntơh măt ăp n'gâng kan n'gor Lâm Đồng, ăp nuĭh khoa học, nuĭh gŭ mĭn, hiệp hội, doanh nghiệp tâm dak râng.

Tâm nchră hŏ rong an âk mông mbơh, dăn đă n'hanh nău rgop wăr nkô̆ nău mpeh rnoh khlay săk ntơ lư nkual ƀon têh Festival kao Đà Lạt, ăp ndơ ƀư jêng tât di nuih n'hâm bah năch đah ntŭk pâl nđaih Đà Lạt, trong ntĭt leo pâl nđaih ăp tŏng nău lư gay an năch uănh saơ ta nkual ƀon têh kao. Lah ta rơh  tâm nchră, wa Tôn Thiện San, Kruanh UBND nkual ƀon Đà Lạt lah rjăp, ma nău kan Festival kao Đà Lạt, nău kan tăm kao hŏ dơi mpư rnê n'hanh lah rjăp săk ntơ lư kao Đà Lạt lah săk dăng ân dơi ntuh kơl, mât dŏng, rgop ntrŭt ntrôl wăng sa n'hanh n'hao rnoh khlay bah n'gâng kan tăm kao.

VOV Tây Nguyên/Nuĭh rblang: Điểu Thân