Di nkah 92 năm nar ndâk Đoàn druh ndăm Cộng sản Hồ Chí Minh, ôi aơ, lơ 17/3, Rnâng kan Bí thư Trung ương Đoàn druh ndăm Cộng sản Hồ Chí Minh ƀư tâm nchră “Nau ngơi bah mom ndăm- Nau kan bah Đoàn”. Rơh tâm nchră ƀư tĭng nau kan sŏng tâm rgop tâm nthoi đah ntŭk kan bah ăp n’gor, thành đoàn, đoàn tâm ntŭk kan ndrel ƀư nau kan đoàn, Rmôt kan tâm dak ba dih”. Rơh tâm nchră geh 2 gưl: Nkô̆ bôk năp đah nkô̆ nau “Ƀư ueh nau n’hâm mom ndâk njêng neh dak geh nau nâp, ueh lăng”.

Tâm nchră mpeh ăp nau kan n’hao nau nâp, nau săk tam tâm nau kan ntĭm nti, ăp nau kan bah cách mạng, ƀư nau ndâk njêng Đoàn-Đoàn râng ndâk njêng Đảng, pơk hvi ntrong kan ƀư nau tâm rnglăp rgum druh ndăm ndrel ƀư ueh nuih n’hâm nau kơl an, leo trong lor, tâm rnglăp, geh nau blau, geh nau janh bah mom ndăm ndâk njêng neh dak nâp ueh, đăp mpăn tĭng nuih n’hâm Đại hội Đảng lam dak tal 13. Nkô̆ tal 2 đah nau tơm lah nau tâm nchră ăp nau kan bah ntŭk kan Đoàn, Hội, Đội tâm nau ndrel mât chăm, kơl an druh ndăm hun hao ăp ntil”./.