Ôi 17/3, ta Hà Nội, Hội Liên hiệp Bu ur Việt Nam ƀư Tâm nchră ntơm dŏng Đề án "Ntop kơl hợp tác xã tă bah bu ur mât bôk kan, nta joi nău kan an nuĭh kan bu ur tât năm 2030" (way kuăl lah Đề án 01). Bí thư Trung ương Đảng, Groi Thủ tướng Chính phủ Lê Minh Khái tât râng.

Đề án 01 n'gluh tât: rdâk tay, ntop kơl, n'hao săk blău n'hanh geh tam kan an dŭt đêt 1.500 hợp tác xã, 10.000 rmôt tâm boh dơi ăp gưl Hội ntop kơl njêng; 100% bu ur mât bôk kan bah hợp tác xã dơi ntĭm nti, kơi năp nău gĭt blău mât bôk  kan, ƀĭt juet tâm di đah nău kan ƀư njêng, tăch rgâl bah hợp tác xã; mbơh nti, ntop kơl njêng mhe 750 hợp tác xã tă bah bu ur mât bôk kan, nta joi nău kan an nuĭh kan bu ur...Lah ta rơh tâm nchră, Groi Thủ tướng Lê Minh Khái lah rjăp: Hội Liên hiệp Bu ur Việt Nam ân lor nchrăp kan nsum lhăt đah ăp Bộ, n'gâng kan, n'gor an ƀư trong nchrăp tĭng ƀư Đề án tĭng rơh n'hanh ăp năm; tĭng ƀư Đề án 01 ăp kôp, geh nău tam n'hanh tâm di đah nău mha êng bah tĭng n'gor.