Ôi 15/12, ta Hà Nội, Ban tâm rlong-rnê nkhôm Trung ương ƀư bôk nău kan gala mâp măt, tâm nđŭr ntrong kan ntoh lư gĭt blău tâm ntrong leo tâm rlong “Yor nuĭh ach o-Mô an nuĭh geh ntlơi bah kơi” năm 2023. Râng tâm nđŭr ta Bôk nău kan Gala lah 10 nuĭh ntoh măt an 20 rmôt, êng nuĭh ntoh lư gĭt blău tâm ntrong leo tâm rlong “Yor nuĭh ach o-Mô an geh nuĭh ntlơi bah kơi” lvang 2021-2023, đah ăp nău nkoch rêng hvi mpeh ăp nuĭh ntrong leo lor nsrôih hao rklaih luh ach o, ƀư ndrŏng; nkoch nău blău ơm mpeh rdâk ƀư tĭng, mpeh ndâk njêng ntrong kan joi nău rêh gay n’hŭch ach o nâp nâl.

Bôk nău kan hôm geh ăp nău nchih nkoch, kơl nuĭh uănh wât lơn mpeh ăp săk rnglăy dơi geh tâm ƀư tĭng ntrong tâm rlong “Yor nuĭh ach o-Mô an geh nuĭh ntlơi bah kơi’ lvang 2021-2023; nkre ntrŭt nsôr, ăp ntŭk mât uĕh tay nuih n’hâm tâm rnglăp, mĭn ƀư mhe bah ăp nuĭh, nsum mpôl n’hanh rnăk wâl, nta an mông nar tâm rlong n’gŭr răm tâm lam kon nuĭh.