Nar 26/8, Tỉnh uỷ Lâm Đồng ƀư Tâm nchră mbơh nău n’glêh an bah Ban Thường vụ Tỉnh uỷ mpeh pah kan cán bộ. Rơh dja n’gor đă hăn, ntop n’hao âk cán bộ n’gâng tơm ăp n’gâng kan, ăp nkuâl tâm n’gor.

Tĭng nê, wa Hoàng Văn Bằng, Tỉnh ủy viên, Chánh văn phòng Tỉnh ủy Lâm Đồng dơi đă sĭt kan UBND n’gor Lâm Đồng gay ntăm n’hao ƀư Giám đốc Sở Thông tin n’hanh Truyền thông; wa Nguyễn Văn Phương, Groi Bí thư Thành ủy, Kruanh UBND nkual ƀon têh Bảo Lộc đă hăn pah kan ta HĐND n’gor gay tĭng ƀư nău kan Kruanh ban Pháp chế HĐND n’gor Lâm Đồng năm kan 2021-2026; wa Ngô Văn Ninh, Chánh văn phòng UBND n’gor Lâm Đồng, dơi đă hăn, râng kan tâm Ban Chấp hành, Ban Thường vụ, ƀư Groi Bí thư Thành uỷ Bảo Lộc, n’hanh mbơh gay HĐND nkual ƀon têh Bảo Lộc ƀư kruanh UBND nkual ƀon têh Bảo Lộc…