Ôi 26/12, ta Nhih pah kan Chính phủ, ta nâm nău ƀư tơm bah Thủ tướng Chính phủ Phạm Minh Chính, Chính phủ ƀư rơh hop ăp khay way nkô̆ rdâk njêng pháp luật khay 12/2022.

Ta rơh hop, Chính phủ mĭn uănh trong nchrăp luật rgâl nkra, kơi ntop du đêt nkô̆ bah Luật Công an ƀon lan n'hanh dăn đă rdâk njêng pháp luật ăp luật: Luật rgâl nkra, kơi ntop Luật ăp mpôl kan an manh prăk; Luật căn cước công dân (rgâl nkra); Luật Công nghiệp quốc phòng, an ninh n'hanh động viên công nghiệp; Luật Công nghiệp công nghệ mbrô; Luật dăp rgum nkual ƀon têh n'hanh thôn ƀon.

Thủ tướng Phạm Minh Chính an gĭt, rdâk njêng pháp luật, ƀư lôch jêh nău way trong kan lah ngoăy tâm pe trong kan đăt ndal têh jong, lah rgum an ƀư lor dơi Chính phủ rgum ntuh kơl, ƀư lĕ  n'hâm suan. Năm 2022, Chính phủ ƀư 9 rơh hop way nkô̆ mpeh rdâk njêng pháp luật, trong kơl, an nău rgop, uănh an dŏng đah 40 trong nchrăp kan, dăn đă rdâk njêng luật, rnoh âk rơh hop, trong nchrăp, dăn đă luật dŭt âk tâm ăp năm rlău aơ.

VOV/Nuĭh rblang: Điểu Thân