Kêng măng 7/12, Thủ tướng Phạm Minh Chính, Kruanh Hội đồng tâm pă  nău kan Đồng bằng sông Hồng, ƀư tơm rơh tâm nchră tâl bar đah nkô̆ mpeh dăp rgum rơh 2021-2030, uănh ngai năm 2050.

Nkual Đồng bằng sông Hồng – ntŭk gŭ khlay mha êng mpeh chính trị, wăng sa, văn hóa, rêh jêng kon nuĭh, njrăng n’gang neh dak, rnă njrăng n’hanh tâm boh dak  bah dih; ntŭk mât ndray âk rnoh khlay văn hoá, lịch sử săk ntơr êng bah rnoi nuĭh he; lah chông hun hao bah lam dak. Nkual geh ntŭk rgum tơm, dơi uănh lah mpông rlong mpeh bah lơ neh dak he n’hanh ASEAN mpeh buăt nthoi hun hao wăng sa, tăch rgâl đah Trung Quốc – du ntŭk  tăch rgâl dŭt têh hvi lam ntŭr neh n’hanh rlơ̆ tay. Ta tâm nchră, Thủ tướng Phạm Minh Chính dăn đă ăp nuĭh ntơh măt rgop nău tâm nkô̆ dăp rgum đah nău ŭch geh mât dŏng, ntik lĕ săk geh mha êng, trong dơh soih, ndăn nău dơi tâm rlong, nkre nkra bah jêr jŏt, mpăng đêt, rlău dơi ntul rlong mpeh hun hao ngăch, nâp dăng./.