Dơn nău jă bah Thủ tướng dak Cộng hòa Singapore Lý Hiển Long n'hanh kađăch Brunei, Thủ tướng Phạm Minh Chính n'hanh i ur hăn khâl ngăn dak Cộng hòa Singapore n'hanh Brunei Darussalam ntơm bah nar 8-11/2/2023.

Hăn khâl Singapore bah Thủ tướng Phạm Minh Chính ƀư tâm rnôk tâm boh têh jong Việt Nam – Singapore hun hao ngăch kalơ ăp trong kan. Năm 2023, bar dak nkah ndray 50 năm njêng tâm boh n'hanh 10 năm njêng tâm boh têh dơi jŏ jong. Singapore dâk bôk năp tâm ASEAN n'hanh dâk tâl 2/141 dak n'hanh nkual neh ntuh kơl tâm Việt Nam đah rlău 3.000 trong nchrăp kan hôm geh nău tam dŏng đah lĕ rngôch rnoh prăk ntuh kơl tât 70 rmen đôlar. Hăn khâl bah Thủ tướng Phạm Minh Chính gay n'hao tâm boh buăt nthoi wăng sa Việt Nam – Singapore hao prêh mhe tâm rnôk ăp nău tâm ton dah rŏng tăch rgâl (FTA) rơh mhe geh nău  uănh khlay bah Việt Nam n'hanh Singapore geh nău tam n'hanh lăp dŏng ngăn, tâm nê nău tâm ton tâm boh lam lĕ rngôch n'hanh rgâl mhe rloh rlău Thái Bình Dương (CPTPP), Hiệp định tâm boh wăng sa lam lĕ rngôch nkual (RCEP).