Ôi 12/2, ta nkual ƀon têh Hạ Long n’gor Quảng Ninh, Thủ tướng Phạm Minh Chính ƀĭt joet Rƀŭn nchră mbơh ƀư bôk nău kan ƀư tĭng Nghị quyết mrô 30 bah Bộ Chính trị mpeh hun hao wăng sa rêh jêng n’hanh đăp mpăn mât njrăng bri dak, rnă njrăng nkual dâng rđŭng Sông Hồng n’hanh ntrŭt ngăch ntuh kơl nkual đah bôk nău “Tâm rgop hun hao-Rgâl mhe-uĕh nđĭr n’hanh nâp nâl”.

Ntŭk rƀŭn nchră

Ntoh ngơi ta rƀŭn nchră, Thủ tướng Phạm Minh Chính lah rjăp, nău joi lĕ ndơ geh, nău dơh an hun hao ngăch, nâp nâl nkual dâng rđŭng Sông Hồng ngăn ngên lah nkual tơm hun hao bôk năp, geh nău ƀư tơm nchrŏng trong, leo rgâl mhe jâng wăng sa n’hanh rgâl ntrong kan hao jêng bah neh dak. Thủ tướng đă ăp n’gâng kan ăp ntŭk tâm nkual rhăt jăp mât uănh ăp nău mĭn êng nkoch tâm nghị quyết, tâm nĕ lah rjăp mât uănh, ƀư tĭng dŭt n’hâm, săk rnglăy ăp nău kan, trong mkra hun hao nkual tĭng nuih n’hâm ăp nghị quyết bah Đảng, Quốc hội, Chính phủ; ăp trong dăch rgum, trong nchrăp, ntĭm rđău bah Chính phủ, Thủ tướng chính phủ.