Ôi nđaơ (30/7), Thủ tướng Chính phủ Phạm Minh Chính ƀư tơm Rƀŭn nchră mât uănh, mbơh du đêt luật, nghị quyết bah Quốc hội khóa 15.

Ntoh ngơi ta rƀŭn nchră, Thủ tướng Phạm Minh Chính đă ăp đại biểu rgum bôk rngok, nuih n’hâm rgâl mhe, răk nău mbơh, tâm nchră, ntoh ngơi rgum tâm ăp nău kơt ntrôl dăng lơn tay nău ƀư tĭng“tâm rgop jăp đah ndâk njêng pháp luật n’hanh ƀư tĭng pháp luật, đăp mpăn pháp luật dơi ƀư tĭng tâm ban, rjăp jăp, tâm di, ngăch, tam, săk rnglăy” tĭng Văn kiện đại hội Đảng rơh tal 13 n’hanh Nghị quyết mrô 27 mpeh ndâk njêng tay n’hanh lôch jêh Ngih dak pháp quyền xã hội chủ nghĩa Việt Nam. Dăn đă ăp trong mkra gay dôh rklaih jêr jŏt, wăk kol, mkra ăp nău hôm e, mô hŏ dơi ƀư tâm rmôt kan mbơh ƀư ăp Luật, Nghị quyết kơt: Trong kan mbơh ƀư tĭng mbrơi; nu nău rnon ơm, mbrơi an sam ƀŭt ntrŭnh na nê̆; Trong kan kơp uănh sam ƀŭt quy phạm pháp luật mô hŏ dơi uănh tât di rnoh.