Măng 1/8, bôk ndeh păr rdeng Thủ tướng Chính phủ Phạm Minh Chính tă bah thủ đô New Delhi dŭt jêh uĕh lăng hăn khâl gưl Ngih dak tât Ấn Độ. Aơ lah hăn khâl lor bôk năp bah Thủ tướng Chính phủ Việt Nam tât Ấn Độ kơp ntơm bah rnôk bar dak njêng tâm boh têh jong lam lĕ rngôch năm 2016. 

Tâm bar nar, Thủ tướng Chính phủ hŏ geh rơh pah kan âk mpưm, âk ntil, đah nklăp 25 nău kan, lĕ ma ăp rơh tâm nchră, tâm mâp đah kruanh  rđău kan gưl têh Ấn Độ, ăp tập đoàn têh bah Ấn Độ, lah ta rơh rgum nchră Doanh nghiệp Việt Nam - Ấn Độ n’hanh Hội đồng ăp nkô̆ nău dak bah dih bah Ấn Độ. Tâm trong hăn khâl, Kruanh rđău kan bar dak hŏ lah rjăp nău mpơl n’hao dăng lơn đŏng tâm boh têh jong lam lĕ rngôch Việt Nam - Ấn Độ tâm ăp trong kan way ơm kơt njrăng n’gang neh dak- rnă njrăng, tăch rgâl- ntuh kơl, văn hóa – ntĭm nti n’hanh pơk hvi ăp trong kan tâm boh mhe mpeh hun hao wăng sa kloh uĕh, wăng sa mbrô, wăng sa nuĭh gĭt blău, n’hao tăch rgâl n’hanh ntuh kơl bar ding, ntrôl dăng n’hanh ƀư jru hvi mpeh tâm boh khoa học - công nghệ.