Ntoh ngơi ta rơh rƀŭn nchră, Thủ tướng Chính phủ Phạm Minh Chính lah na nê̆, Tây Nguyên lah ntŭk kan tơm khlăy ngăn mpeh wăng sa, Chính trị, rnă njrăng, mât đăp mpăn ngih dak n’hanh ntŭk gŭ rêh bâh neh dak. Đảng, ngih dak, ăp đồng chí Tổng Bí thư bâh ăp rơh way geh nău mât kơl dŭt têh, nău rŏng khlăy đah nău hun hao n’hanh đăp mpăn bâh Tây Nguyên, lĕ ntrŭnh mbơh âk nghị quyết, nglôch lôch, dăch aơ lah Nghị quyết mbrô 23 bâh n’gâng kan chính trị mpeh trong mpŏng hun hao wăng sa rêh jêng n’hanh mât đăp mpăn ngih dak, rnă njrăng ta Tây Nguyên tât năm 2030, mpŏng uănh tât năm 2045”. Đah nău mĭn “Lam dak yor Tây Nguyên, Tây Nguyên rlet rlău nău jêr jŏt hun hao ndrel lam dak”. Thủ tướng Chính phủ ŭch knơm kâp, Đảng bộ, n’gâng kan, tahen n’hanh ƀon lan ăp n’gor ta Tây Nguyên, dăch meng đah nău nđơr, nău nsrôih mhe rlet rlău nău jêr jŏt, ntul rlong, njêng nău rgâl mhe lơn ta trong hun hao wăng sa- rêh jêng, njêng nău kan tơm khlăy geh nău dơi mât đăp mpăn rnă njrăng, ueh lăng tâm let năp tay.