Nar 5/9, Thủ tướng Chính phủ Phạm Minh Chính lĕ geh rơh mâp đah Thủ tướng Timor-Leste Xanana Gusmao n’hanh Kruanh rƀŭn nchră wăng sa lam ntŭr neh (WEF) Klaus Schwab nkhêp di râng Rƀŭn nchră Gưl prêh ASEAN rơh tal 43 n’hanh ăp rƀŭn nchră geh tât ta Jakarta, Indonesia. Gay ntrôl tâm boh dăch dêh way ơm n’hanh boăt nthoi rjăp lơn, 2 Thủ tướng Việt Nam n’hanh Timor-Leste tâm ban ŭch n’hao tâm rgâl mpôl kan gưl prêh n’hanh ăp gưl, ta năp măt lah rơh khâl bah Tổng thống Timor Leste hăn Việt Nam.

2 Thủ tướng mĭn lah tâm kơl ndrel tay n’hanh tâm rgop săk rnglăy ta ăp rƀŭn nchră âk ding nkual n’hanh lam ntŭr neh. Ta narr wơt Kruanh WEF Klaus Schwab, Thủ tướng Chính phủ mĭn lah Việt Nam mbra râng tay, rgop dŭt n’hâm an ăp nău ƀư mhe, nău kan bah WEF. Mpŏng WEF mbra tâm rgop ndrel Việt Nam rdâk ƀư âk nău kan rgum ăp nuĭh way kan, ăp nuĭh kơl wăng sa têh lam ntŭr neh n’hanh nkual gay ndrel tâm nchră ăp nău uănh nsum, rgop nta an nuih n’hâm mhe, tâm nĕ geh nău kơt dŏng ăp nău mhe bah khoa học công nghệ gay trôl rdâk hao n’hanh hao jêng wăng sa lam ntŭr neh.