Tâm bôk nău kan ta Bình Định, kêng măng 5/2, Thủ tướng Chính phủ Phạm Minh Chính pah kan đah kruanh n’gor Bình Định mpeh nu nău săk rnglăy năm 2022, nău kan hun hao wăng sa-rêh jêng năm 2023; mkra nău dăn đă gay ntop kơl Bình Định mât uĕh lơn tay nău geh, nău dơi, hun hao ngăch, nâp nâl.

Thủ tướng ntoh ngơi ta nar pah kan

N’glôn jêh nar pah kan, Thủ tướng Chính phủ Phạm Minh Chính djôt dơn, rnê Đảng bộ, n’gâng kan n’hanh nuĭh ƀon lan n’gor Bình Định lĕ tâm rnglăp, nsrôih n’hanh dơi geh săk rnglăy uĕh mpeh wăng sa-rêh jêng, rgop nsum bah lam dak. Thủ tướng đă Bình Định an groi nđôi nu nău ngăn gay ơh nău kơl uĕh lơn; mât uĕh nuih n’hâm hao êng đah nuih n’hâm Tây Sơn; ƀư tĭng tâm pă gưl, tâm pă nău rđău; ntrôl dăng rgâl mhe, kơt dŏng khoa học công nghệ; hun hao wăng sa mrô, wăng sa kloh uĕh, wăng sa tâm pleh; uănh khlay trong kan ndâk njêng Đảng, trong chính trị