Ôi lơ 12/8, Thủ tướng Chính phủ Phạm Minh Chính pah kan đah Rnâng kan mât Lăng Kruanh Hồ Chí Minh mpeh nau tă geh dơi ƀư nau kan tâm 6 khay bôk năm 2024 ndrel nau kan nkra nâp Lăng Kruanh Hồ Chí Minh năm 2024. Tâm nar pah kan, mbơh đah Thủ tướng Chính phủ Phạm Minh Chính, Thiếu tướng Phạm Hải Trung, Rđau kan n’gâng kan mât Lăng Kruanh Hồ Chí Minh, Kruanh rnâng kan mât Lăng mbơh, 6 khay bôk năm 2024 bah Rnâng kan mât Lăng hŏ ƀư ueh nau kan mbơh nchră nau ma Đảng, Ngih dak, Thủ tướng Chính phủ ndrel Quân uỷ Trung ương, N’gâng kan neh dak mpeh nau ƀư nau kan jŏ jong, mât đăp mpăn săk Kruanh Hồ Chí Minh.

Ntoh măt Chính phủ, Thủ tướng rnê prêh ăp nau nsôih, nuih n’hâm kan ndrel nau tă geh dơi ƀư bah cán bộ, công chức, viên chức, tahen ndrel nŭih pah kan đah rnâng kan mât Lăng ndrel ăp ntŭk kan, rmôt kan ƀư nau kan tâm Rkum ăp ntŭk ơm-văn hoá Ba Đình. Rơh tât, Thủ tướng đă Rnâng kan mât Lăng lŏ ƀư ueh nuih n’hâm nchrăp kan, blau mhe, tâm rgop rjăp, săk tam đah ăp ntŭk kan gay ma ƀư ueh nau kan geh jao đah nuih n’hâm, nau rŏng dak, nau ntô̆ n’hao rnoi mpôl./.