Ta nar pah kan đah Tập đoàn Điện lực Việt Nam (EVN) mhe rlău, Thủ tướng Phạm Minh Chính djôt dơn, rnê săk rnglăy ma Tập đoàn lĕ dơi geh tâm năm 2023. Tĭng nău mbơh, năm 2023, Tập đoàn Điện lực Việt Nam lĕ nsrôih jêh ăp rnoh ndơ nău kan n’gluh an tâm nĕ nău nkra njêng n’hanh pă điện lĕ ntơm tŏng ăp điện an jâng wăng sa, tâm nĕ lĕ geh nău mô tŏng pă dŭt khay 5, bôk khay 6 n’hanh an ƀư n’hŭch pă an miền Bắc. Điện nkra njêng lĕ trong geh rlău 280 rmen kwh, hao rlău 4,5% nkôp đah năm 2022.

Ndơn măt Chính phủ, Thủ tướng Phạm Minh Chính lah uĕh, djôt dơn, rnê nău nsrôih, săk rnglăy ma Tập đoàn Điện lực Việt Nam lĕ dơi geh rgop khlay an săk rnglăy nsum dŭt lĕ rngôch bah lam dak tâm năm 2023. Thủ tướng đă EVN nsrôih geh lôch uĕh ăp rnoh nău kan dơi jao năm 2024, đăp mpăn pă tŏng ăp điện an hun hao wăng sa rêh jêng bah neh dak. Nău rƀŏng têh ngăn lôch mô an mô tŏng điện an nkra njêng tăch rgâl n’hanh dŏng ăp ntil nău; nău rƀŏng têh tal 2 lah an dŏng rnoh khlay tĭng quy luật ntŭk tăch, yơn geh nău kơl đah nuĭh đăp mpăn nău rêh jêng.