Thủ tướng Lý Hiển Long vơt rhơn Thủ tướng Chính phủ Phạm Minh Chính tât khâl ngăn Singapore, lah na nê̆ rơh tât khâl ntop njêng nău kan têh dăng an nău tâm boh kan ndrel ueh đah bar dak.

Bar hê Thủ tướng rnê âk ăp nău hun hao ueh mhe ta ăp nău tâm boh kan Việt Nam- Singapore ta lĕ rngôch bar ding n’hanh âk ding. Mpeh nău kan tơm khlăy tâm kơl ndrel tâm let năp tay, bar Thủ tướng tâm ban ŭch mô rlu ntrôl nău tâm kơl mpeh wăng sa, mbơh tơih an săk rnglăy ăp nău tâm ton tâm kơl, njêng nău dơh nơih an nău mbơh tơih tâm kơl ta ăp trong kan mhe n’hanh geh nău dơi kơt lah wăng sa rnoh mbrô, wăng sa ueh nđir n’hanh tâm pleh kan, rgâl mhe nău kan, ŭnh nar kloh ueh, njrăng rdâng rgâl trôk nar mih sial...Bar ding lĕ tâm ban ŭch mbra ntrôl dăng nău tâm kơl ta ăp trong kan mât rnă njrăng ngih dak- rnă njrăng đăp mpăn, pâl nđaih, tâm nđur ƀon lan, ngăn lah đah mom ndăm bar dak.