Tâm nar aơ 31/7, Thủ tướng pah kan đah ăp tập đoàn, doanh nghiệp têh ta trong kan ƀư dak si, tơm pring bâh Ấn Độ, tât râng n’hanh ntoh ngơi ta rơh tâm mâp Doanh nghiệp Việt Nam- Ấn Độ, tât râng n’hanh ntoh ngơi ta rơh sa nkra ntŭk kan Đại sứ quán Việt Nam ta Ấn Độ n’hanh ôp khâl, tâm ngơi đah cán bộ, nuĭh kan ta Đại sứ quán, nuĭh Việt Nam dôl gŭ rêh ta dak aơ.

Ôi tay 1/8, Thủ tướng Ấn Độ Narendra Modi mbra leo rơh vơt n’hanh tâm nchră đah Thủ tướng Phạm Minh Chính, n’hanh Thủ tướng Phạm Minh Chính mbra geh ăp rơh tâm mâp đah nuĭh leo kan bâh Ấn Độ. Rơh tât khâl aơ bâh Thủ tướng Chính phủ geh dŭt khlăy ngăn, gay ma lah na nê̆ nău dơl kan dơn ngoăy bâh Việt Nam uănh khlăy nău tâm boh tâm rnglăp way ơm n’hanh ăp dak kan ndrel lĕ rngôch đah Ấn Độ, ntop mât ueh nâp nău tâm boh kan đah nuĭh leo kan 2 dak, ngăn lah đah 2 Thủ tướng.