Tâm nău ntoh n’gôr nău tâm rnglăp, tâm knơm n’hanh ueh mêr, Thủ tướng chính phủ Phạm Minh chí rnê đồng chí Thẩm Hiểu Minh rơh bôk năp tât khâl Việt Nam đah nău kan lah Bí thư n’gor Ủy Hải Nam.

Thủ tướng chính phủ Phạm Minh Chính lah na nê̆ nău khlăy bâh tâm boh kan lĕ rngôch Việt Nam- Trung Quốc n’hanh dăn đă bar ding an geh mbơh ƀư ntrôl nău tâm kơl ta lĕ ăp trong kan, ngăn lah hun hao tăch rgâl tĭng trong tâm ban, pơk hvi ntuh kơl, n’hao nău tâm nđŭr ƀon lan, ndâk nsơm nău tâm kơl mpeh pâl nđaih...Mpeh đah nău tâm kơl ta ntŭk, Thủ tướng chính phủ Phạm Minh Chính dăn đă n’gor Hải Nam an geh n’hao nău tâm mbơh, tâm kơl đah ăp ntŭk kan, n’gâng kan, ăp ntŭk kan Việt Nam, tâm nĕ geh nkuăl ƀon têh Hồ Chí Minh n’hanh n’gor Quảng Ninh, ntrôl nău tâm kơl ndrel geh ueh mpeh pâl nđaih, tâm rgop ƀư ntung trong, ntĭm nti, dak si, tâm nđŭr văn hóa, tâm kơl rdâng đah rgâl trôk nar mih sial, joi vơt nuĭh rmanh ta dak lêng, ƀư ueh đah ăp nuĭh joi ka ta dak lêng, ntop mât nău đăp mpăn, ueh lăng n’hanh tâm kơl ta dak lêng.