Lơ 26/7, ta Ntŭk kan bah Thủ tướng Chính phủ Phạm Minh Chính hŏ vơt wa Jakkapong Sangmanee, Kruanh Văn phòng Thủ tướng, nŭih kan bah Thủ tướng Thái Lan di rnôk hăn chang Tổng Bí thư Nguyễn Phú Trọng. Thủ tướng Chính phủ ntoh nau rhơn, lah ueh Kruanh n’gâng kan Jakkapong Sangmanee ndrel rmôt kan ntoh măt bah Thái Lan hŏ tât Việt Nam chang Tổng Bí thư, lah rjăp aơ lah nau mpơl ân nau ŭch rŏng tâm boh, tâm dăch ndrel tâm pă nau đah rđau kan ndrel ƀon lan bar dak.

Di rnôk aơ, Thủ tướng Chính phủ nkah tay nau jă bah Thủ tướng Thái Lan Srettha Thavisin khâl Việt Nam ndrel ƀư tơm rơh rƀŭn Chính phủ nsum Việt Nam-Thái Lan tal 4 tâm rnôk tâm di. Bar ding kŏ tâm nchră ndrel tâm ban du đê̆ nau rƀŏng tâm boh bar ding đah bar dak tâm rơh tât, geh nau ntrŭnh ƀư nau kan “Pă tâm nthoi” n’hao nau tâm boh tâm ăp nau kan rnă njrăng, tăch rgâl, pâl n’aih ndrel gung trong nchưan rdeng, tâm nê uănh khlay nau nthoi dăng lơn mpeh trong trôk, trong jâng, trong loih./.