Kêng măng 22/11, ta Nhih pah kan Chính phủ, Thủ tướng Chính phủ Phạm Minh Chính hŏ wơt Groi Thủ tướng, Bộ trưởng Bộ Ngoại giao Lào Saleumxay Kommasith, dôl khâl Việt Nam ndrel ƀư tơm nsŏng kơl Chính trị gưl Bộ trưởng Ngoại giao tâl 10. Ta rơh wơt, Bar ding rnê âk nău hun hao dăng bah  tâm boh ta lĕ rngôch ăp trong kan đah bar dak. Tâm boh chính trị nar lơn ma lhăt jăp n’hanh nsing nơm.

Ăp trong kan tâm boh n’gâng tơm êng ƀa ƀă kơt njrăng n’gang neh dak, rnă njrăng, wăng sa, văn hóa, ntĭm nti n’hanh tâm boh đah ăp n’gor Việt Nam-Lào dơi uănh khlay ntrŭt ntrôl n’hanh geh njuat hun hao mhe. Thủ tướng Chính phủ Phạm Minh Chính dăn đă ăp bộ, n’gâng kan geh tât bar dak ndăn ôp uănh tay ăp tŏng lam lĕ rngôch ăp trong kan tâm boh; kan nsum nkra ăp nău kŏ kol bah ăp trong nchrăp kan tâm boh khlay rgum tơm; ndrel nsrôih n’hao tâm boh  bar dak tât rơh mhe, nar lơn ma hun hao dăng n’hanh nsĭt geh nău tam lơn./.