VOV4.M’nông – Nar 18/8, ta Ngih Chính phủ, Thủ tướng Chính phủ Phạm Minh Chính lĕ wơt mâp Groi Thủ tướng, Kruanh n’gâng kan tâm rnglăp nchră nău Kazakhstan Mukhtar Tileuberdi dôl rơh hăn khâl na nê̆ Việt Nam bah 17-18/8. Thủ tướng Chính phủ Phạm Minh Chính mĭn lah Việt Nam uănh khlay tâm boh way ơm n’hanh kan ndrel âk ntil đah Kazakhstan.

Thủ tướng Chính phủ Phạm Minh Chính wơt mâp Groi Thủ tướng, Kruanh N’gâng kan tâm rnglăp nchră nău Kazakhstan

Gay ntrôl dăng lơn tay kan ndrel đah 2 dak tâm năm tât, Thủ tướng Chính phủ Phạm Minh Chính đă 2 ding mât uĕh nău ƀư bah Ủy ban 2 Chính phủ Việt Nam-Kazakhstan mpeh kan ndrel wăng sa-tăch rgâl n’hanh khoa học-kỹ thuật, tâm nchră ký Hiệp định mô dŏng thị thực an nuĭh ƀon lan 2 dak kơt nsrôih tâm rgop ơm ndâk njêng trong ndeh treng n’hanh trong mpăr sŏng đah Việt Nam n’hanh Kazakhstan. 2 ding lĕ tâm nchră mpeh nău lam ntŭr neh n’hanh nkual ndrel uănh tât, tâm nĕ geh nău Biển Đông.

Nuĭh rlang: Y Sưng Phê Ja