Thủ tướng Phạm Minh Chính mhe ƀư tơm nar rƀŭn tal 5 Rnâng kan rđau kan bah Chính phủ rƀŭn lôch nau ntrŭnh mrô 18 NQ/TW mpeh “Du đê̆ nau kan lŏ rgâl mhe, dăp rgum ntŭk kan chính trị nâp, pah kan săk tam”. Tâm nar rƀŭn, Rnâng kan hŏ djăt nau mbơh ndrel nchră, rgop nau mpeh nau nchrăp nau mbơh bah Rnâng kan rđau Đảng, Chính phủ mbơh Bộ Chính trị mpeh Bôk nau rgum lôch nau kan bah Rnâng kan Đảng Chính phủ, ndâk Đảng bộ Chính phủ tâm Trung ương.

Tĭng nau rƀŏng bah Rnâng kan rđau kan Trung ương, Đảng bộ Chính phủ geh ăp ntŭk kan đảng tâm ăp n’gâng kan, ntŭk kan tâm ban bộ, ntŭk kan tâm Chính phủ ndrel du đê̆ đảng bộ tâm ăp rmôt kan, tổng công ty, ngân hàng ƀư nau kan tăch rgâl bah ngih dak. Lôch nar rƀŭn, Thủ tướng jao ân Bộ Nội vụ tâm rgop đah ăp ntŭk kan geh tât djăt ăp nau nchrăp, ƀư jêh Bôk nau kan lor ma ndŏ Bộ chính trị. Tâm rnôk ndâk, ƀư jêh nau kan, ân ƀư rjăp nau ntrŭnh bah Đảng, ăp nau rđau, ăp nau ntrŭnh bah Đảng ndrel mât tâm dăch nau kan bah Chính phủ./.