Ta rơh vơt, Thủ tướng Chính phủ Phạm Minh Chính lĕ njoăl nău ueh ueh dŭt n’hâm tât chính phủ n’hanh ƀon lan Ấn Độ mpeh ăp nău tâm rŏng ueh an Tổng Bí thư Nguyễn Phú Trong, đă mpôl kan têh tâ râng khĭt bâh ngih dak n’hanh Quốc hội Ấn Độ lĕ geh mông nar kahgĭt Tổng Bí thư tâm lơ 22/7 mhe nơh. Nău aơ mpơl nău rŏng bâh ăp nuĭh băl dăch bên, tâm ban kơt nău way dŭt khlăy đah bar ngih dak, bar mpôl rnoi Việt Nam n’hanh Ấn Độ. Thủ tướng Chính phủ Phạm Minh Chính đă 2 dak an geh tâm rgop ndơ̆ tay nău tâm boh kan lĕ rngôch jŏ jong đah Việt Nam- Ấn Độ hun hao têh dăng tay lơn n’hanh lah na nê̆, nău tâm kơl ta trong kan khoa học n’hanh công nghệ, thông tin-viễn thông, công nghệ rnoh mbrô lah ăp trong kan dŭt geh nău dơi, an geh mât uănh ntrôl tay an hun hao tay lơn.