VOV4.M’nông: Kêng măng 10/10, Thủ tướng Chính phủ mhe geh nau mbơh đă njoăl Kruanh UBND n’gor, nkuăl ƀon têh ăp n’gor Trung Bộ, Ăp ntŭk kan n’gâng kan geh tât, ăp ntŭk nkoch mbơh nau bah Trung ương, n’gor, Rnâng kan rđau kan mpeh nau njrăng rdâng trôk nar lơh ndrel Uỷ ban neh dak rdâng nau tât khuch, mih dak lip ndrel joi kơl nŭih mâp rmanh njrăng trôk nar lơh. Tâm nau ntrŭnh đă kloh: Yor geh nau khuch bah bri srŏ n’ik, nkuăl Trung Bộ mra lŏ geh mih têh tâm rơh tât, nau khuch mra geh dak lip băm tâm nkuăl rđŭng, rluh neh, dak rchoh tâm nkuăl yôk geh nau koh gưl trong hăn, khuch tât nau ƀư kan, nau rêh jêng bah ƀon lan.

Thủ tướng Chính phủ rđau đă UBND ăp n’gor, nkuăl ƀon têh nkuăl Trung Bộ ƀư uănh n’ôi ân rjăp nau tât bah mih dak lip, kơp uănh nau ntrơn leo ƀon lan luh bah ăp nkuăl geh nau khuch, dak lip băm, dak hoch thăng, mô ân geh nau khuch tât kon nŭih, nkoch mbơh, bonh đă, ntĭm nti ƀon lan ƀư ueh ăp nau kan mât đăp mpăn, n’huch nau khuch rnôk mih dak lip lơh, nchrăp đăp mpăn ndơ sa, ndơ dŏng kơl an ƀon lan tâm ntŭk geh khuch yor dak lip, rluh neh, mra ƀư nau kơl an ân ăp rnăk mô geh ndơ sa./.

VOV Tây Nguyên/Nŭih rblang: H’Thi