Kêng măng 5/8, Thủ tướng Chính phủ Phạm Minh Chính ƀư tơm rơh hop đah Kruanh mât bôk kan Ngân hàng Ngih dak Việt Nam, Bộ Tài chính, Bộ Kế hoạch n’hanh Đầu tư n’hanh du đêt bộ, n’gâng kan, nhih pah kan mpeh trong kơl prăk kaih. Lah ta rơh hop, Thủ tướng an gĭt, let năp tay nô nău hôm âk jêr jŏt, ntul rlong, hôm mpet jâk hao khlay ndơ, yor rƀah gĭt nô nău tâm dak n’hanh lam ntŭr neh gay joi luh ăp trong dơh soih ntĭk n’hao săk geh, têh dăng bah neh dak gay n’gluh trong kơl năn ngăch, geh nău tam.

Ân nkre ƀư nkre rhuăt luh nău tă ơm gĭt kan pơk hvi mbrơi, mô mât bôk kan nchĭk ndal êng tĭng ntŭk. Ân nkre đah trong kan năm dŏng prăk kaih, tăch rgâl, ntuh kơl gay ntrŭt ntrôl hun hao, đăp mpăn wăng sa têh, mât kân hao khlay ndơ. Ndrel đah nê Thủ tướng đă, n’gâng kan ngân hàng ân  hăn dâk lor bôk năp tâm trong rgâl mbrô gay bah ir roh huach prăk dŏng kan an nuĭh ƀon lan doanh nghiệp. Thủ tướng nsing nơm an  lah n’gâng kan ngân hàng hŏ ƀư jăp hôm ri ân ƀư jăp uĕh lơn đŏng, ntik n’hao ntrŭt ntrôl ăp ntil nău hŏ dơi ƀư, rlău jêr jŏt ntul rlong gay ƀư jăp uĕh lơn đŏng  tâm let năp tay.