Ôi lơ 11/12, ta Hà Nội, Thủ tướng Chính phủ Phạm Minh Chính ƀư tơm nar vơt ndrel tâm nchră đah Thủ tướng Campuchia Hun Manet khâl ngăn Việt Nam ntơm lơ 11-12/12 tĭng nau jă bah Thủ tướng Phạm Minh Chính. Jêh rnôk vơt, bar Thủ tướng hŏ tâm nchră mpeh nau tâm boh bar ding ndrel râng nau kí ton ăp nau ntrŭnh tâm boh.

Bar Thủ tướng lah rjăp nau khlay bah nau kan mô rlu mât ndrel ƀư ueh nau vay ơm tâm rnglăp tâm dăch, tâm kơl tâm nau tâm lơh nsĭt nau đăp mpăn ân rnoi mpôl, nglưh tŭp n’gâng kan Pol Pot bah năp nơh kŏ kơt lah nau ndâk, hun hao neh dak rnôk aơ. Tĭng nau hăn khâl ngăn Việt Nam, Thủ tướng Campuchia mra geh rnôk tâm nchră đah rđau kan gưl prêh bah Đảng, Ngih dak Việt Nam mpeh nau geh bah nau tâm boh ndrel tâm nchră gay ntrŭt dăch nau tâm boh kan nsum Việt Nam-Campuchia tâm rnôk tât nar lơn ma jru, ngăn, săk tam./.