Lơ 21/12, Thủ tướng Chính phủ Phạm Minh Chính ƀư tơm Rƀŭn nchră lam dak uănh lah ƀư tĭng bôk nău kan rgop an tâm nchră Hun hao kơt dŏng dữ liệu mpeh ƀon lan, năl săk n’hanh uănh năl điện tử rhŏ an rgâl mrô lam dak. Ntoh ngơi ta rƀŭn nchră, Thủ tướng Phạm Minh Chính uănh lah prêh n’hanh rnê rhơn ăp nău nsrôih, n’hanh săk rnglăy dơi geh bah ăp gưl ăp nău kan, ngăn lah nău ƀư tơm khlay bah rmôt Công an nhân dân, nău tât râng, tâm rgop rjăp bah n’gâng kan, nău kan, ƀon lan; nău nsrôih, ndrel ty hăn ndrel, râng geh săk rnglăy bah doanh nghiệp công nghệ; nău ndrel nuih n’hâm, ntop kơl, râng dŭt n’hâm bah nuĭh ƀon lan, doanh nghiệp.

Năm tât, Thủ tướng nkoch kloh ăp rmôt nău kan khlay, tâm nĕ ntĭm kloh nău ƀư ăp nău kan jăch ndăn bah aƀaơ tât Tết Nguyên đán Giáp Thìn 2024. Lơn lah, mpeh trok an đăp mpăn nău rêh jêng, Thủ tướng đă Kruanh UBND 12 n’gor ơm mbơh ƀư trok an nău kơl đăp mpăn rêh jêng tă bah trong ƀư mô dŏng prăk măt. Thủ tướng đă, N’gâng kan Tư pháp tâm rgop đah N’gâng kan Công an mbơh ƀư an Phiếu lý lịch tư pháp ta ứng dụng VNeID ta Thừa Thiên Huế tâm khay 3 năm 2024 gay jêh lam hvi ta lam dak.